काठमाडौं । प्रधानमन्त्री निवास बालुवाटारमा प्रधानमन्त्री केपी शर्मा ओलीले बाँसुरी सारंगी बजाउँदै रमाइलो गरेका छन् ।
मदन भण्डारी कला साहित्य प्रतिष्ठान तथा नेपाल संगीत तथा नाट्य प्रज्ञा प्रतिष्ठानको सहकार्यमा ‘सारङ्गी साँझ’को आयोजना गरिएको हो ।
त्यही कार्यक्रममा प्रधानमन्त्री ओलीले पनि बाध्यवादन बजाउँदै रमाइलो गरेका हुन् । ति रमाइला तस्वीरहरु प्रधानमन्त्रीका प्रेस सल्लाहकार सूर्य थापाले सामाजिक सञ्जालमा सेयर गरेका छन् ।
कार्यक्रममा प्रधानमन्त्री ओलीले बाँसुरी र सारङ्गी बजाएका थिए भने पूर्व प्रधानमन्त्रीद्वय झलनाथ खनाल र माधव नेपालले ओलीलाई साथ दिँदै सारङ्गी बजाएका थिए ।
कार्यक्रममा पूर्व नेपालदेखि पश्चिमसम्मका लोक बाजाहरुको संगीत प्रस्तुत गरिएको थियो । सो कार्यक्रममा देशका प्रमुख सञ्चारमाध्यमका सम्पादकहरूको सहभागिता रहेको थियो ।
