मकवानपुरमा जारी तेस्रो संस्करणको बाग्मती गोल्डकप फुटबलको तेस्रो क्वार्टरफाईनलमा आज हिमालयन शेर्पा र सरस्वती युथ क्लब प्रतिस्पर्धा गर्दैछ ।
बाग्मती गाउँपालिकाको फापरबारीस्थित स्थानीय मैदानमा दिउँसो ३ बजे यी दुई टोलीबिचको प्रतिस्पर्धा सुरु हुनेछ । आजको विजेताले सेमिफाईनलमा च्यासल युथ क्लबलाई प्रतिस्पर्धीका रुपमा पाउनेछ । च्यासलले आयोजक टोलीलाई ८–० को फराकिलो अन्तरले हराउदै सेमिफाईनलमा स्थान सुरक्षित गरेको थियो ।
ए डिभिजन लिग खेलेका ५ र अन्य ५ गरी १० टोली सहभागी गोल्डकपको उपाधि जित्ने टोलीले ६ लाख र उपविजेता टोलीले ३ लाख प्राप्त गर्नेछन् । प्रतियोगीताको सर्बोत्कृष्ट खेलाडीलाई ५० हजार र विधागत उत्कृष्टले जनहि १० हजार रुपैया पुरस्कार प्राप्त गर्नेछन् ।
