काठमाडौँ । निर्देशक अरुण घिसिङद्वारा निर्मित चलचित्र ‘ख्लासी आनिउ’ को पहिलो गीत ‘डिहिरी छार्वा’ सार्वजनिक भएको छ ।

निर्देशक घिसिङ तामाङ फाउण्डेशन नेपालका अध्यक्ष तथा नेकपा माओवादी केन्द्रको पोलिटव्यूरो सदस्य समेत हुन् ।

आइतबार रिपोर्टर्स क्लब नेपालमा पत्रकार सम्मेलनको आयोजना गरेर उक्त चलचित्रको पहिलो गीत सार्वजनिक गरिएको हो । चलचित्रको आगामी १७ गते शनिबार जमलस्थित् राष्ट्रिय नाँचघरमा प्रीमियर शोे गर्ने तयारीमा रहेको निर्देशक घिसिङले जानकारी दिए ।

फिल्मका निर्माता तथा निर्देशक घिसिङले नेपाली समाजमा तामाङ समूदाय उत्पीडनको समुदाय, यसलाई उजागर गर्न जरुरी रहेको बताउँदै दर्शकको इच्छा र आकांक्षालाई ध्यान दिएर चलचित्र निर्माण गरिएको दाबी गरे ।

रोशी डिजिटल प्रा.लि को निर्माणमा बनेको गीतको सम्पादन तथा छायाङकन भने विक्रम मोक्तानको रहेको छ । चलचित्र सबै खाले दर्शकहरुको मागलाई ध्यानमा राखेर निर्माण गरिएको निर्माण पक्षको दावी छ ।

गीतको छायांकन शैलुङ, खुर्कोट र काभ्रेको तेमाल , नेपाल थोक लगायतका स्थानमा गरिएको निर्देशक घिसिङले जानकारी दिए ।