कैलाली । पूर्वउपप्रधानमन्त्री तथा नेकपाका सुदूरपश्चिम इन्चार्ज भीम रावललाई धनगढी विमाास्थलमा अपमान गरिएको छ । शनिवार पार्टीको कार्यक्रमको तयारीको लागि धनगढी आइपुगेको रावललाई सेनाले उनलाई भीआइपी कक्षमा जान रोक लगाएर सिधै बाहिर पठाएको रावलको दाबी रहेको छ ।

उनले भने, मलाई सिधै बाहिर पाठाइयो, कसको इन्टेन्सनमा भएको हो, त्यो ठूलो कुरा हो । यो माथिको आदेश अनुसार भएकोले सेनाको कुनै दोष छैन । उसले आदेश मन्ने हो । उनको केही छैन, रावले जिकीर गरे ।

यदी केही कठीनाइ भए मलाई जानकारी गराउनु पथ्र्यो, मेरो पूर्वनिर्धारित कार्यक्रम हो । मलाई कुनै जानकारी नै छ्ैन, रावलले पत्रकार सम्मेलन गर्दै आफ्नो दुखेसो पोखे ।

उनलाई भीआइपी कक्षमा जान नदिने माथि अर्थात रक्षा मन्त्रालय वा प्रधानमन्त्री कार्यालय कसले आदेश दिएको हो, उनले स्पष्ट भन्ने चाहेनन् । तर उनले घुमाउरो ढंगले सिंहदरवारको आदेशमा भएको भनेर दोषारोपण भने गरे । एक जना सेनाको कुरा नभएर मलाई नियोजित रुपमा बाहिर पठाएर आपमान गरेको कुरा उल्लेख गरे ।

राष्ट्रपति विद्यादेवी भण्डारी सुदूरपश्चिमको भ्रमण रहदा सुरक्षा व्यवस्था कडा रहेको थियो । तर पूर्व गृहान्त्री लगायत पटक पटक मन्त्री भएका रावललाई यसरी भीआपी कक्षमा जान रोक लगाउनुलाई अर्थपूर्ण तरिकाले हेरिएको छ । सरकारले उनलाई जानीजानी रोकेर अपमान गरेको स्थानीय नेकपाका नेताहरुले बताए ।