एसीसी इस्टर्न रिजन टी २० क्रिकेट प्रतियोगितामा खराव प्रदर्शन गरेको नेपाली टिम शनिवार स्वदेश फर्किएको छ ।
थाइल्याण्डमा भएको प्रतियोगितामा चौथो स्थानमा रहेर घर फर्किएको नेपाली टिमका कप्तान ज्ञानेन्द्र मल्लले टिमले राम्रो खेल्न नसकेको बताए । उपाधि जित्ने लक्ष्यका साथ थाइल्याण्ड गएको नेपाली टिम निकै खराब नतिजाका साथ स्वदेश फर्किदा खेलाडीको अनुहा निकै निरास देखिएको थियो ।
नेपालले खेलेका चार खेलमा एक जित एक बराबरी र दुईमा हार ब्यहोरेको थियो । नेपाल पहिलो खेलमा मलेसियासँग २२ रनले पराजित भएको थियो भने हङकङसँग ४३ रनले हार्न पुगेको थियो । आइसीसी विश्वकप छनोट अन्तर्गत सिंगापुरमा भएको एशिया क्वालिफायर्सपछि नेपाली टिमले यस्तो नराम्रो नतिजा हात पारेको हो ।
थाइल्याण्ड बाहेकको खेलमा नेपालका कुनैपनि खेलाडीले राम्रो ब्याटिङ गर्न सकेनन् । यसपटक पनि नेपाली टिमको ओपनिङ जोडी परिवर्तन हुँदा असफल भए ।
