त्रिभुवन अन्तर्राष्ट्रिय विमानस्थलले भदौ पहिलो साताबाट दैनिक १५ वटासम्म अन्तर्राष्ट्रिय उडान गर्न सकिने बताएको छ ।
लकडाउन सुरु भएदेखिनै आकस्मिक र उद्दार बाहेकका उडान बन्द गरेको बिमानस्थल प्रसाशनले भदौ १ गते बाट नियमित उडानलाई सुचारु गर्ने तयारी गरेको हो ।
विमानस्थलका प्रमुख देवेन्द्र केसीले कोभिड १९ संक्रमणको जोखिमलाई हेरेर दैनिक १५ वटा सम्म उडान गर्न सक्ने अवस्थामा विमानस्थल रहेको बताए । विमानस्थलमा डिपार्चर र एराइभलका लागि सामान्य अवस्थामा भन्दा केही बढी समय लाग्ने भएकाले सिमित उडानबाट विमानस्थललाई सूचारु गरिने उनको भनाई छ ।
त्यस्तै आन्तरिक उडान तर्फ दैनिक ३० देखि ४० वटा सम्म उडान गर्न सम्भव हुने उनले बताए ।
