नेपाली बजारमा सुनको भाउले नयाँ रेकर्ड बनाएको छ ।

सुनको मूल्य तोलामा एकैदिन ५ सय रुपैयाँ वृद्धि भएको छ । नेपाल सुनचाँदी व्यवसायी महासंघका अनुसार बुधबार तोलामा ९४ हजार रुपैयाँमा कारोबार भएको छापावाल सुन बिहीबार ५ सय रुपैयाँले बढेर ९४ हजार ५ सय रुपैयाँमा कारोबार भएको छ ।

सुनको मूल्यमा यो हालसम्मै उच्च हो । बिहीबार तेजावी सुनको मूल्य भने तोलामा ९४ हजार ६५ रुपैयाँमा कारोबार भएको छ । यस्तै चाँदीको भाउ आज तोलामा १० रुपैयाँ बढेर तोलाको १ हजार १ सय ४५ रुपैयाँ निर्धारण गरिएको महासङ्घले जनाएको छ ।
लगातार भाउ उक्लिरहँदा कारोबारमा निकै मन्दी आएको महासंघले जनाएको छ ।