काठमाडौं । दशैमा नेपालभर सबै बैंकका सबै शाखाहरु बन्द हुने भएको छन् । नेपाल बैंकर्स सङ्घले जनाए अनुसार यस वर्ष कारोनाको जोखिम बढेकाले दशै बिदाभरी सबै शाखा बन्द हुने जनाएको छ ।
सङ्घका प्रमुख कार्यकारी अधिकृत अनिल शर्मा सरकारले तोकिएअनुसार यही कात्तिक ७ देखि ११ गतेसम्म पाँच दिन सबै वाणिज्य बैंकका शाखा बन्द गर्ने जनाएका छन् । उनले भने, अधिकांश बैंकका कर्मचारीमा कोरोना सङ्क्रमण पुष्टि भएको छ । सङ्क्रमणको जोखिम लिनुभन्दा पाँच दिन बन्द गर्दा उपयुक्त हुने निष्कर्षसहित बन्द गरिएको उनले बताए ।
उनले भने बैंकहरुले दिने एटिएम तथा डिजिटल कारोबार भने सुचारु नै रहने जनाएका छन् । विगतका वर्षहरु मुख्य मुख्य शाखा खुला रहने गरेका थिए । तर यो वर्ष कोरोनाको कारण देखाएर सबै शाखा बन्द हुने भएका छन् । जसले गर्दा ग्राहकहरुमा मर्का पर्ने देखिन्छ ।
