बुटवल । बुटवलमा नेपालका अन्तिम राजा ज्ञानेन्द्र शाहको पक्षमा बिशाल प्रर्दशन भएको छ । मोटरसाइल र्यालीमा युवाहरुको ठूलो सहभागिता रहेको थियो ।
बीर गोर्खाली अभियान नामबाट रुपन्देहीको मणिग्रामबाट निकालिएको र्यालीमा ठूलो संख्या उपस्थिति रहेको थियो । अन्तिम राजा ज्ञानेन्द्र र रानी कोमलको तस्बिर छापिएका टिसर्ट लगाएका युवाहरु राष्ट्रिय झण्डा बोकेर र्यालीमा सहभागी थिए ।
उक्त र्याली बुटवलको गोलपार्क परिक्रमा गरी ट्राफिकचोकमा आइ कोणसभामा परिणत भएको थियो । कोणसभामा कार्यक्रम संयोजक बसन्त विक्रम पाण्डेले राष्ट्रिय एकता र राष्ट्र बचाउन सडकमा निस्किएको बताए ।
र्यालीमा हिन्दु राष्ट्रको पुर्नस्थापना समेत माग गरिएको थियो । र उक्त अभियान देशव्यापी चलाइने बताइएको छ ।
