काठमाडौँ । यो वर्षको तिहारमा भाइमसलाको मुल्य सस्तीएको छ । कोरोना महामारीका कारण विक्री नभएपछि यसवर्ष तिहारमा भाइमसालको मुल्य सस्तीएको हो । गतवर्षको तुलनामा यसवर्ष प्रतिकिलो ५ सय रुपैयाँ सस्तो भएको छ । नेपाल खुद्रा व्यापार संघक अध्यक्ष राजकुमार श्रेष्ठले होटलररेस्टुरेण्ट बन्द हुँदा मसलाको माग घटेको बताए । उनले अनुसार काजु किसमिस, छोकडा, बदामजस्ता वस्तुको खपत होटलमा सबैभन्दा बढी हुने बताए । कोरोना महामारीका कारण होटलररेस्टुरेण्ट बन्द हुँदा यो वर्ष भाइमसला खपत नै नभएको उनले बताए ।

व्यापार संघका अनुसार महामारीको समयमा ब्यापार घटेपछि सबैजसो वस्तुको मूल्य घटेको छ । यस अवधिमा भारतीय सुपारीबाहेक भाइ मसलामा प्रयोग हुने अन्य सबै वस्तुको मूल्य घटेको हो । भारतीय सुपारीको मूल्य भने बढेको छ । गत वर्षको तिहारमा ६५० रूपैयाँ प्रतिकेजीमा बिक्री भएको भारतीय सुपारी यो वर्ष बढेर ९०० रूपैयाँ पुगेको छ । त्यसबाहेक अन्य सबै वस्तुको मूल्य प्रतिकेजी २० देखि ५०० रूपैयाँसम्म घटेको छ । सुकमेलको मूल्य किलोमा ५०० रूपैयाँसम्म घटेको छ । गतवर्ष प्रतिकेजी पाँच हजार ५०० रूपैयाँमा पाइने सुकमेल यो वर्ष किलोमा पाँच हजार रूपैयाँ पर्ने व्यापार संघको भनाइ छ । ल्वाङको मूल्य पनि प्रतिकेजी ५०० रूपैयाँले नै घटेको छ ।