संस्कृति, पर्यटन तथा नागरिक उड्डयन मन्त्री योगेश भट्टराईले ग्रामिण क्षेत्रमा सञ्चालन गरिने पर्यटन उद्योगलाई आयकर छुट दिने गरी विधेयक ल्याइएको बताएका छन् ।
शुक्रबार ‘पर्यटन विधेयक – २०७६’ माथि सम्बन्धीत सरोकारवालाहरुसँग छलफल गर्दै मन्त्री भट्टराईले ग्रामिण क्षेत्रमा खोलिने वर्गीकृत होटल, तथा रिसोर्ट लगायतका पर्यटन उद्योगहरु सञ्चालनमा आएको पाँच वर्ष सम्म आयकरमा पूर्ण छुट दिने र थप पाँच वर्ष सम्म पचास प्रतिशत छुट दिने व्यवस्था गरिएको बताएका हुन् ।
उनले पर्यटन क्षेत्रलाई विकेन्द्रीकृत गर्नुपर्ने अवस्था आएको समेत बताए । पछिल्लो समय पोखरा, अन्नपूर्ण, सौराह, सगरमाथा लगायतका क्षेत्रमा मात्र पर्यटन क्षेत्र केन्द्रीत भएको बताउँदै अन्य ठाउँका पर्यटकीय गन्तव्यहरुको प्रवद्र्धन गर्न आयकरमा दिइएको छुटले सहयोग पु¥याउने उनले बताए ।
कार्यक्रममा होटल एसोसिएसन नेपालका उपाध्यक्ष विनायक शाहले पर्यटन व्यवसायीहरुले दर्ता, अन्तशुल्क, ट्याक्स, विदेशी मुद्रा लगायतका सुविधा एकद्धार प्रणाली मार्फत दिने व्यवस्था विधेयक बाटै गर्न सुझाव दिए ।
