काठमाडौं । प्रधानमन्त्री केपी शर्मा ओली पदमुक्त भएका छन् । आज संघीय संसदमा विश्वासको मत लिने प्रस्ताव बहुमतबाट अस्वीकृत भएपछि प्रधानमन्त्री ओली स्वतः पदमुक्त भएका हुन् ।
संविधानको धारा ७७ (१) (ख) अनुसार प्रमको पद रिक्त भएको हो ।
अब ओलीले संविधानको धारा ७७ (३) अनुसार अर्को मन्त्रिपरिषद् गठन नहुँदासम्म सरकार सञ्चालन गर्ने छन् ।
प्रस्तावको पक्षमा ९३ मत परेको छ । प्रधानमन्त्री पदमा कायम रहन ओलीले १ सय ३६ मत पाउनुपर्ने थियो । संसदमा मतदानको समयमा २ सय ३२ जना सासंदको उपस्थिति रहेको थियो ।
संसदमा १ सय २४ जनाले विश्वासको मत दिन्न भनि मतदान गरेका छन् भने १५ जना सासंदले मतदान प्रक्रियामा भाग लिएनन् ।
संसदको सबभन्दा ठूलो दल एमालेका १२१ सांसद छन् । तर एमालेको माधवकुमार नेपाल पक्षका सांसदहरु बैठकमा अनुपस्थित भएनन् ।
नेपाली कांग्रेस, नेकपा माओवादी केन्द्र, जनता समाजवादी पार्टीको बाबुराम भट्टराई–उपेन्द्र यादव पक्ष, राष्ट्रिय जनमोर्चाले विपक्षमा मत दिएका छन् ।
जसपाको महन्थ ठाकुर–राजेन्द्र महतो पक्षका सांसदहरु भने तटस्थ बसेका छन् ।
