काठमाडौं । नेपाली कांग्रेसको पदाधिकारीहरुको बैठकले राष्ट्रपति विद्यादेवी भण्डारी तथा प्रधानमन्त्री केपी ओलीले संविधान विपरितको कार्य बिरुद्ध सबै विकल्पमा जान्े निर्णय गरेको छ । कांग्रेसका वरिष्ठ नेता रामचन्द्र पौडेलले कांग्रेस सबै विकल्पमा जान्छ । त्यस मध्ये राष्ट्रपतिमाथिको महाअभियोग पनि एक विकल्प भएको बताए ।
उनले सबै दलहरुसँगको छलफलपछि निश्कर्षमा पुग्ने जनाएका छन् । उनले यो कदम लोकतन्त्र र संविधान समाप्त पार्ने षडयन्त्र भएको समेत जनाए ।
हिजो राती राष्ट्रपति विद्यादेवी भण्डारीले संविधानको धारा ७६ (५) अनुसार सरकार गठन गर्न आज अपरान्ह ५ बजेसम्म समय दिएकी थिइन्। यसलाई संविधानज्ञाताहरुले गैरसंवैधानिक कार्य भन्दै आचोलना गरेका छन् ।
पार्टीभित्र राष्ट्रपतिमाथि महाअभियोग लगाउनु पर्ने आवाज बलियो बन्दै गइरहेको छ । कांग्रेस नेता महेश आचार्य, मिनेन्द्र रिजाल, गगन थापा लगायतले राष्ट्रपतिमाथि महाअभियोग लगाएर संविधानको रक्षा गर्नु पर्नेमा जोड दिदै आइरहेका छन् ।
नेपाली कांग्रेसले लोकतन्त्र जोगाउनका लागि सबै विकल्प खुला राख्ने निर्णय गरेको छ ।
