काठमाडौं। डिसहोमले प्रभु टिभीलाई एक्वायर गरेको छ । दुवै कम्पनीले एकआपसमा गाभिन गत वैशाख पहिलो सातादेखि प्रयासरत थिए । यसअघि डिसहोमले केबल टेलिभिजन सेवा दिँदै आएको र सिम टिभी पनि खरिद गरेको थियो । एक महिना भित्रमा एक्वायरसम्बन्धी सबै काम सक्ने गरी प्रक्रिया सुरु गरेको छ । अब प्रभुका ग्राहकहरुले विभिन्न भेराइटीका सेवा पाउँनेछन् । अहिले भइरहेकै सेवा चलाउनुका साथै डिसहोमले दिइरहेका सेवामा पनि निरन्तरता हुने छ ।

डिसहोमले आइपीओ जारी गर्ने तयारी गरिरहँदा प्रभु टिभीसँगको प्राप्तिलाई टुंगोमा पु¥याएको हो । दुवै कम्पनी एक भएपछि प्रभु टिभीका ग्राहकहरुलाई पनि डिसहोमका सेवा लिन सहज हुने विश्वास डिसहोमले लिएको छ । हाल डिसहोमले डिटिएच प्रविधिबाट टेलिभिजन र फाइबर इन्टरनेट सेवा दिँदै आएको छ । त्यसैगरी प्रभु टिभीले पनि टेलिभिजनका साथै इन्टरनेट सेवा दिँदै आएको छ । सिम टिभीसमेत गरेर डिसहोमसँग १९ लाखभन्दा बढी ग्राहक रहेका छन् । प्रभु टिभीसँग भने डेढ लाख भन्दा बढी ग्राहक रहेको बताइएको छ ।