काठमाडौं । नेपाली कांग्रेसको १४ औं महाधिवेश नजिकिँदै गर्दा विभिन्न पार्टी परित्यागरी कांग्रेस प्रवेश गर्ने लहर बढेको छ । कम्युनिस्ट लगायत अन्य पार्टीमा सिद्धान्तत र निष्ठाको राजनीतिभन्दा नेतृत्वको स्वच्छाचारी चरित्र देखेर वाक्क भएका नेता कार्यकर्ताहरु कांग्रेसतिर आकर्षित भएका हुन् ।
गत बिहीवार नेपाली कांग्रेसका सभापति शेरबहादुर निवास बढानिलकण्ठमा राष्ट्रिय प्रजातन्त्र पार्टी र नेकपा माओवादीबाट कांग्रेस प्रवेशका लागि नेता–कार्यकर्ता आएका थिए । राप्रपा र माओवादी पार्टी परित्याग गरी कांग्रेस प्रवेशका लागि आएका सयौं नेता, कार्यकर्तालाई नेपाली कांग्रेसका सभापति शेरबहादुर देउवाले बुढानिलकण्ठस्थित आफ्नै निवासबाट कांग्रेस सदस्यता वितरण गरेका हुन् ।
यसरी राप्रपा र माओवादीबाट केन्द्र तहदेखि प्रदेश, स्थानीय वडा हुँदै गाउँ तहसम्मका नेता–कार्यकर्ता कांग्रेसमा प्रवेश गर्ने लहर देखिएको छ । त्यसरी राप्रपा र माओवादी परित्याग गरी ती नेता–कार्यकर्ता स्वस्फूर्त ढंगले कांग्रेसमा प्रवेश गरेका हुन् । पार्टी प्रवेश कार्यक्रममा कांग्रेस सभापति देउवा निवासमा सह–महामन्त्रीद्वय डा. प्रकाशशरण महत र सुनील थापाको पनि उपस्थिति रहेको थियो ।
यसरी अन्य पार्टी परित्यागरी नेपाली कांग्रेस प्रवेश गर्नेहरुलाई सभापति देउवाले सदस्यता वितरण गदरेका थिए भने सह–महान्त्री महत र थापाले खादा ओढाएर कांग्रेसमा स्वागत गरेका थिए ।
