बोष्टन । म्यासाचुसेट्स राज्यको समरभिल सिटिमा बस्ने १६ वर्षिया ए नेपाली बालिकामाथि गोली प्रहार भएको छ । मंगलबार बिहान ३ बजेर ३४ मिनेट जाँदा उनीमाथि गोली प्रहार भएको थियो ।
समरभिल प्रहरीका अनुसार ज्याक र ग्रन्ट स्ट्रिटको चौबाटोमा गोली प्रहार भएको हो ।
गोली लागि घाइते भएकी उनलाई तत्काल बोष्टनस्थित म्यासाचुसेट्स जनरल अस्पतालमा उपचारको लागि लगिएको थियो । उनको माथिल्लो खुट्टाको पछिल्तिर गोली लागेको थियो । उनको सल्यक्रिया गर्न ६ घण्टा भन्दा बढी समय लागेको स्थानीय समाचार संस्था न्यूज सेन्टर ५ ले जनाएको छ ।
गोली लागि घाइते भएकी उनको अवस्था हाल ठीक भएको पीड़ित बालिकाकी बाबु राज घिमिरेलाई उधृत गर्दै न्यूज सेन्टरले जनाएको छ ।
घटनामा संलग्नको खोजी जारी रहेको प्रहरीले जनाएको छ ।
न्यूज सेन्टर ५ सँग कुरा गर्दै पीडितका बुबा राज घिमिरेले कुकुरलाई बाहिर डुलाउन मध्यरातमा लगेको अवस्थामा गोली प्रहार भएको जनाएका छन् ।
