काठमाडौं । युनियन लाइफ इन्स्योरेन्सले सर्वसाधारणको लागि असार २४ गतेबाट प्राथमिक शेयर (आईपीओ) निष्काशन खुल्ला गरेको छ । कम्पनीले कुल जारी पूँजी २ अर्ब १५ करोड रुपैयाँको ३० प्रतिशतले हुन आउने ६४ करोड ५० लाख रुपैयाँ बराबरको ६४ लाख ५० हजार कित्ता शेयरका लागि बिक्री खुल्ला गरेको हो ।
जसमध्ये ५ प्रतिशत अर्थात ३ लाख २२ हजार ५०० कित्ता सेयर कर्मचारीका लागि र अर्को ५ प्रतिशत सामूहिक लागनी कोषहरुलाई छुट्ट्याएको छ ।

५८ लाख ५ हजार कित्ता शेयर सर्वसाधारणको लागि बिक्री खुल्ला गरेको हो । कम्पनीको आईपीओमा छिटोमा असार २८ गतेसम्म र सो अवधिसम्ममा पर्याप्त आवेदन नपेरमा साउन ७ गतेसम्म आवेदन दिन सकिनेछ। कम्पनीको आईपीओमा प्रतिशेयर १०० रुपैयाँका दरले न्यूनतम १० कित्तादेखि त्यसभन्दा माथि १० अंकको गुणाङ्क संख्यामा अधिकतम ३२ हजार २५० कित्तासम्मको लागि आवेदन दिन सकिनेछ ।