काठमाडौं। लक्ष्मी बैंकले बुढानिलकण्ठमा नयाँ शाखा बिस्तार गरेको छ । बुढानिलकण्ठस्थित नयाँ शाखासँगै लक्ष्मी बैंकका देशभर शाखा संख्या १३० पुगेको छ। बुढानिलकण्ठको वडा न. ६ स्थितगणेश चोकमा बैंकको नयाँ शाखाबाट कारोबार सुरु भएको हो ।

यो शाखामार्फत सम्पूर्ण रिटेल बैकिंगका साथै साना तथा लघु व्यवसायीहरु माझ वित्तीय पहुँच पुर्याउने लक्ष्य राखेको बैंकले जनाएको छ । बैंकका अनुसार ४८ जिल्लामा १ सय ३० शाखा, ६ एक्सटेन्सन काउन्टर र ५ हस्पिटल सेवा काउन्टर, १ सय ५९ एटिएम, २५ सयभन्दा बढी रेमिट्यान्स एजेन्ट तथा ६१ शाखारहित बैंकिङ्ग एजेन्ट पुगेको छ ।

बैंकले सुविधाजनक बचत खाता योजना, मुद्दती निक्षेप योजना, घर तथा सवारी कर्जा, साना व्यवसायी कर्जा, लघुवित्त, लगायतका वित्तीय सेवाहरुको बढ्दो मागलाई पूरा गर्न बैंकले नयाँ तथा वित्तीय पहुँच नपुगेका क्षेत्रहरुमा सेवा विस्तार गर्दै लगेको जनाएको छ ।