काठमाडौं । नवनियुक्त गृहमन्त्री बालकुष्ण खाँणले कोभिड १९ जित्न सबैको सहयोग र योगदानको उत्तिकै खाँचो रहेकोमा जोड दिएका छन् । आज सिंहदरबारमा पदवहाली गरेर सञ्चारकर्मीसँग गृहमन्त्री खाँणले उक्त कुरा बताएका हुन् । खाँणे अहिले विश्व कोरोना महामारीमाले आक्रन्त छ । त्यो ममहामारीको सामना नेपालले पनि गरिरहेकाले त्यसलाई परास्त गर्न सबैको सहयोग र योगदानको खाँचो रहेको औल्याएका छन् ।

उनले कोभिड–१९ को महामारीका क्रममा सुरक्षा निकाय, स्वास्थ्यकर्मी, सञ्चारकर्मीलगायत अग्रभागमा रहेर ठूलो भूमिका निभाएको ठोकुवा गरे । त्यस्तै उनले कोभिड–१९ प्रतिकार्यमा खटिने जुनसुकै क्षेत्रका नागरिकको जीवनरक्षा गर्नु राज्यको दायित्व रहेको भन्दै आवश्यक ठाउँमा बजेट व्यवस्थापन र खर्च तथा उपचार गर्न सरका प्रतिवद्ध रहेको धारणा व्यक्त गरे ।

त्यस्तै, उनले संवैधानिक व्यवस्थाअनुरुप कार्यपालिका, व्यवस्थापिका र न्यायपालिकाबीच समन्वय गरी बनेका कानुनहरुलाई कार्यान्वयन गर्ने भूमिकामा सम्बद्ध निकायले सक्रियताका साथ मिलेर अघि बढ्नुपर्ने बताए । पदबहालीसँगै गृहमन्त्री खाँणले पूर्वी नवलपरासी जिल्ला विपद् व्यवस्थापन कोषमा त्यहाँबाट माग भएको रकम पठाउने फाइल पनि सदर गर्न भ्याए ।

मुलुकका ७७ जिल्लाका विपद् व्यवस्थापन कोषमा आवश्यकताअनुसार रकम उपलब्ध हुने गर्दछ । त्यसअघि मन्त्री खाँणलाई सचिव महेश्वर न्यौपाने, प्रहरी महानिरीक्षक शैलेश थापा, सशस्त्र प्रहरी बल नेपालका महानिरीक्षक शैलेन्द्र खनाल, राष्ट्रिय अनुसन्धान विभागका प्रमुख गणेशप्रसाद अधिकारीलगायतले स्वागत गरेका थिए ।