काठमाडौं । केपी शर्मा ओली नेतृत्वको सरकारले जनताको ढाड सेक्नेगरी सार्वजनिक यातायातमा भाडा बृद्धि गरेर बाहिएको छ । सरकारले लामो दूरीमा चल्ने सार्वजनिक यातायातमा भाडा बढाएको छ । यातायात व्यवस्था विभागले सार्वजनिक यातायातमा भाडा बढेको एक सूचना जारी गर्दै जनाएको हो ।

निवर्तमान प्रधानमन्त्री केपी शर्मा ओली नेतृत्वको सरकारले लामो दुरीमा चल्ने सार्वजनिक यातायातमा २८ प्रतिशतसम्म भाडा बृद्धिगरेको छ । दुई वा दुईभन्दा बढी प्रदेशमा सञ्चालन हुने सार्वजनिक यातायातमा भाडा बढाएको यातायात व्यवस्था विभागद्वारा जारी विज्ञप्तिमा उल्लेख छ ।

लामो दुरीमा चल्ने यात्रुवहाक सवारीसाधनमा २८ प्रतिशत, पहाडी बाटोमा चल्ने मालवहाक साधनमा २० प्रतिशत र तराईका बाटाहरुमा चल्ने मालवाहक सवारीसाधनमा २६ प्रतिशतले भाडा बढाइएको छ । २०७८ असार २७ गतेको भौतिक पूर्वाधार तथा यातायात मन्त्रालयको स्वीकृतिमा सार्वजनिक यातायातको भाडा बढाएको विभागले विज्ञप्तिमार्फत् जनाएको हो ।