काठमाडौं । प्रधानमन्त्री शेरबहादुर देउवा आजबाट सरकारी निवास बालुवाटारमा सरेका छन् । देउवा आज बिहान ९ः५७ बजे प्रधानमन्त्री निवास बालुवाटार सरेका हुन् । गत मंगलबार प्रधानमन्त्री नियुक्त भएका देउवा निजी निवास बूढानिलकण्ठमा बस्दै आउनुभएका थिए ।
आज बिहान प्रधानमन्त्री देउवा सरकारी निवास सरेको उहाँको निजी सचिवालयले जनाएको छ । त्यसैगरी निवर्तमान प्रधानमन्त्री केपी शर्मा ओलीले गत बुधबार नै प्रधानमन्त्री निवास बालुवाटार छाडेका हुन् ।
