काठमाडौं । श्वेत गंगा हाइड्रोपावर एण्ड कन्स्ट्रक्सन लिमिटेडले आईपीओ निष्काशन गर्ने प्रस्ताव पारित गर्न विशेष साधारण सभा डाकेको छ । कम्पनीले साउन २८ गते अकामा होटल, धुम्बाराहीमा सो सभा डाकेको हो । सो सभा अपराह्न १ बजे शुरु हुनेछ । सभाले कम्पनीको शेयरको प्रारम्भिक सार्वजनिक निष्काशन (आईपीओ) सम्बन्धी विशेष प्रस्ताव पारित गर्नेछ ।

यसका साथै आईपीओ निष्काशनबाट प्राप्त हुने कुल रकमको उपयोग सम्बन्धी वित्तीय योजना तथा रणनीतिहरु निर्धारण सम्बन्धी, परियोजना प्रभावित क्षेत्रका बासिन्दाका लागि छुट्याइएको शेयर सम्बन्धी र आईपीओका सम्बन्धमा नियमनकारी निकायको निर्देशन बमोजिमका कार्य गर्न गराउनका लागि सञ्चालक समितिलाई अख्तियारी दिने सम्बन्धी प्रस्तावहरु पारित गर्नेछ।