एजेन्सी । जापानमा जारी टोकियो ओलम्पिकमा फुटबलको स्वर्ण पदक ब्राजिलले जितेको छ । स्पेनलाई २–१ गोलले हराउँदै ब्राजिलले स्वर्ण पदक जितेको हो । ब्राजिलको जितमा माथुएस कुन्हा र माल्कोमले एक एक गोल गरेका थिए ।

स्पेनका मिकेल ओयार्जाबलले एक गोल फर्काए । खेलको ३८ औं मिनेटमा पाएको पेनाल्टी ब्राजिलले सदुपयोग गर्न सकेको थिएन । तर पहिलो हाफको इन्जुरी समयमा ब्राजिलले अग्रता लिन सफल भयो ।

खेलको ६१ औं मिनेटमा स्पेनले गोल गरेपछि निर्धारित ९० मिनेटको खेल १र१ को बराबरीमा सकियो । अतिरिक्त समयको १०८ औं मिनेटमा माल्कोमले गोल गर्दै ब्राजिललाई स्वर्ण पदक दिलाउन सफल भए ।