काठमाडौं । प्रभु बैंक लिमिटेडले ६८ प्रतिशत खुद मुनाफा आर्जन गरेको छ । बैंकले गत आर्थिक वर्षमा ६८ प्रतिशतले नाफा बढाएको वित्तीय विवरण सार्वजनिक गरेको हो ।

बैंकले सार्वजनिक गरेको गत आर्थिक वर्षको वित्तीय विवरण अनुसार २ अर्ब १ करोड रुपैयाँ नाफा आर्जन गरेको देखिन्छ । बैंकको ब्याज आम्दानी, ट्रेडिङ आम्दानी अघिल्लो वर्षको भन्दा बढेको छ । बैंकले ब्याज आम्दानीबाट मात्र ५ अर्ब २ करोड कमाएको छ ।

११ अर्ब ३४ करोड रुपैयाँ चुक्ता पूँजी रहेको बैंकले एकवर्षको अवधीमा निक्षेप कर्जा आकार बृद्धि राम्रो देखिएको छ । असार मसान्तसम्म प्रभु बैंकमा १ खर्ब ६४ अर्ब निक्षेप रहेको छ भने कर्जा १ खर्ब ३५ अर्ब रहेको छ ।

अघिल्लो वर्षको असार मसान्तसम्ममा प्रभु बैंकमा १ खर्ब २८ अर्ब निक्षेप थियो भने कर्जा ९९ अर्ब थियो । बैंकले गतवर्षको नाफाबाट सेयरधनीलाई बाड्न मिल्ने नाफा १ अर्ब ४८ करोड रुपैयाँ गरेको छ ।

यसबाट मात्र बैंकल सेयरधनीलाई १३ प्रतिशत लाभांश दिनसक्छ । पूँजीकोष अनुपात १३ दशमलब ०७ प्रतिशत रहेको प्रभु बैंकको खराब कर्जा अनुपात १ दशमलब ६८ प्रतिशत रहेको छ ।

यस्तै कर्जा निक्षेप अनुपात ७३ दशमलब २१ प्रतिशत छ । बेसरेट ६ दशमलब ८८ प्रतिशत तथा स्प्रेड ३ दशमलब ६५ प्रतिशत छ । बैंकको प्रति सेयर आम्दानी १७ दशमलब ७३ रुपैयाँ रहेको छ ।