काठमाडौं । ग्लोबल आइएमई बैंकले हिन्दू महिलाहरुको घरआँगनमा आइपुगेको महान पर्व हरितालिका तीज र बाबुको मुख हेर्ने दिन कुशे औंसी लक्षित क्यासब्याक योजना ल्याएको छ ।
बैंकले भदौ २१ र कुशे औसीको दिन २२ गते बुबाको लागि कुनै उपहार खरीद गर्दा गिफ्ट टू फादर लेकेर क्युआर कोडमार्फत भुक्तानी गरेमा २० प्रतिशत (तीन सय सम्म) क्यासब्याक उपलब्ध गराउने जनाएको छ ।
बैंकले घोषणा गरेको छ,‘भदौ २३ गते फूडमाण्डूबाट खाना मगाउँदा बैंकको डेविट÷क्रेडिट कार्ड प्रयोग गर्दा २० प्रतिशत (पाँच सय रुपैयाँ)सम्म क्यासब्याक पाइनेछ। क्यासब्याक योजनालाई तीज विशेष बनाउन बैैंकले महिलाहरुलाई प्राथमिकतामा राखेको छ।
बैंकमा ’नारी बचत’ तथा ‘नारी शक्ति बचत’ खाता रहेका महिलाहरुले डेबिट कार्डको प्रयोग गरी पिओएस इसिओएममार्फत तीन हजार वा सो भन्दा बढी भुक्तानीमा तीन सय क्यासब्याक उपलब्ध गराइने बैंकद्वारा जारी विज्ञप्तिमा उल्लेख छ। यो योजना भदौ १६देखि ३१ गतेसम्म मात्र लागु हुने पनि बैंकले जनाएको छ।
