काठमाडौं । सत्तारुढ गठबन्धनले मन्त्रिपरिषद् विस्तारका लागि अन्तिम कसरत थालेको छ । कांग्रेस सभापति शेरबहादुर देउवाको नेतृत्वमा सरकार गठन भएको करिब दुई महिना पुग्न लाग्दा पनि मन्त्रिपरिषद्ले पूर्णता नसक्दा विभिन्न कोषणबाट टिकाटिप्पणी भइरहेको थियो ।
त्यसलाई निमिट्यान्न पार्न गठबन्धनका शीर्ष नेताहरूको आज बैठक बसिरहको छ । शीर्ष नेताहरु सम्मिलित बैठकमा मन्त्रालय बाँडफाँटको टुंगो पनि आजै लाग्ने बताइएको छ ।
माधव नेपाल नेतृत्वको नेकपा एकीकृत समाजवादी र उपेन्द्र यादव नेतृत्वको जसपाको कानुनी र प्राविधिक प्रक्रिया सकिएको छ । आज बाँडफाँडसहित आन्तरिक रुपमा मन्त्री टुंगिएर मन्त्रिपरिषद विस्तार हुने पनि बताइएको छ ।
एमाले विभाजन पश्चात नेपालले नेकपा एकीकृत समाजवादी पार्टी गठन गरेका छन् । ‘माधवजीलाई अफ्ठेरो अवस्था छ । यसमा साथ सहयोगमा अरु पार्टीले लचकता देखाउनुपर्छ ।
सोमबार माओवादी केन्द्रको बैठक बसेको थियो । उक्त बैठकमा माओवादी अध्यक्ष पुष्पकमल दाहाल ‘प्रचण्ड’ले मन्त्रिपरिषद् विस्तारको तयारीबारे जानकारी गराएका थिए ।
