काठमाडौं । आइएमई जनरल इन्स्योरेन्स कम्पनीले ४० प्रतिशत हकप्रद शेयर निष्काशन गर्ने भएको छ । कम्पनीले बोनश शेयर वितरण पछि कायम चुक्ता पूँजीको ४० प्रतिशत (१०ः४) का दरले हकप्रद शेयर जारी गर्न लागेको हो ।
कम्पनीले शेयर निष्काशनसम्बन्धी नियमक निकाय नेपाल घितोपत्र बोर्डमा बिहिबार निवेदन पेश गरेको छ । कम्पनीको हालको चुक्ता पूँजी १ अर्ब १५ करोड ७६ लाख रुपैयाँ छ ।
४० प्रतिशत हकप्रद शेयर निष्काशनपछि कम्पनीको चुक्ता पूँजी एक अर्ब ६२ करोड ६ लाख रुपैयाँ पुग्नेछ । हकप्रद शेयर निष्काशनका लागि बीमा समितिबाट तथा कम्पनीको २३औं वार्षिक साधारण सभाले स्वीकृत गरिसकेको छ ।
अब नेपाल धितोपत्र बोर्डबाट स्वीकृति आएपछि कम्पनीले ४० प्रतिशत हकप्रद शेयर निष्काशन गर्ने जनाएको छ ।
