काठमाडौं । आईएमई लाईफ इन्स्योरेन्स कम्पनीले प्राथमिक शेयर आईपीओ निष्काशन गर्ने भएको छ । कम्पनीले ६० करोड रुपैयाँ बराबरको ६० लाख कित्ता शेयर निष्कासन गर्न लागेको हो ।
कम्पनीले शेयर निष्काशनको लागि सिभिल क्यापिटललाई चयन गरेको छ । कम्पनीले शेयर निष्काशनको लागि धितोपत्र बोर्डबाट अनुमति पाइसकेको छ ।
वि.सं. २०७४ बाट कारोबार सुरु गरेको कम्पनीले विभिन्न स्किम लिएर ग्राहकसँग पुगेको छ । हालकम्पनीको पूँजी १ दशमलब ४ अर्ब रहेको छ । यो शेयर निष्काशनपछि २ अर्ब हुने पुग्ने छ ।
कम्पनीका १२० भन्दा बढी शाखा रहेका छन् । त्यसैगरी १८ हजारभन्दा बढी अभिकर्ताहरु रहेका छन् । यस कम्पनीमा ग्लोबल आईएमई बैंक, आईएमई ग्रुप लगाएतका प्रतिष्ठित कम्पनीको लगानी रहेका छ ।
आईएमई सेन्टर मार्फत पनि ग्राहकसँग जोडिने भएकाले कम्पनीको पहुँच व्यापक हुने विश्वास लिइएको कम्पनीद्वारा जारी विज्ञप्तिमा उल्लेख छ ।
