काठमाडौं । प्राइम बैंक लिमिटेडको नाफामा करिब ८ प्रतिशतले गिरावट आएको छ । बैंकले प्रकाशित गरेको ६ महिनाको वित्तीय विवरण अनुसार अघिल्लो वर्षको भन्दा नाफामा ७ दशमलब ७३ प्रतिशतले कम हो ।

बैंकले ६ महिनामा १ अर्ब ६७ करोड नाफा गरेको छ । बैंकले अघिल्लो वर्ष १ अर्ब ८१ करोड नाफा गरेको थियो । बैंकको ब्याज आम्दानी घट्दा नाफा घटेको हो । बैंकले अघिल्लो वर्ष ६ महिनामा २ अर्ब ९१ करोड ब्याज आम्दानी गर्दा यो वर्ष २ अर्ब ७६ करोड मात्र गरेको छ ।

बैंकले पुस मसान्तसम्ममा १ खर्ब ५८ अर्ब निक्षेप संकलन गरेर १ खर्ब ५४ अर्ब कर्जा दिएको छ । पुस मसान्तसम्म बैंकको कर्जा निक्षेप अनुपात(सीडी रेसियो) ९४दशमलब ८३ प्रतिशत छ । यसले बैंकलाई निक्षेप संकलन गर्नको लागि दवाव दिएको छ । बैंकको खराब कर्जा अनुपात(एनपीएल) ०.७८ प्रतिशत छ ।

बेसरेट ८ दशमलब ९८ प्रतिशत छ । रिर्टन अन इक्विटी(आरओइ) १३ दशमलब १४ प्रतिशत छ । अघिल्लो वर्ष आरओइ १६ दशमलब १८ प्रतिशत थियो ।