काठमाडौं । नेकपा (एमाले)को विद्यार्थी संगठन अनेरास्ववियुको अध्यक्षमा समिक बडाल विजयी भएका छन् । गएराति भएको निर्वाचनबाट निवर्तमान महासचिव बडाल अध्यक्षमा निर्वचित भएका हुन् ।
अनेरास्ववियुको २३ औं राष्ट्रिय महाधिवेशन अन्तर्गत भएको निर्वाचनबाट उपाध्यक्षमा गोविन्द गिरी, धर्म गिरी, नारायण घर्ती र मर्यादा विष्ट, महासचिवमा नरेश रोकाय निर्वाचित भएका छन् । कोषाध्यक्षमा संगम अर्याल विजयी भएका छन् ।
सचिवमा सञ्जिव धिताल, सुजन कडरिया, दीपेश प्रसाईँ, प्रकाश पौडेल, अञ्जना शिवाकोटी, दीपक धामी, आरती भट्टराई र विनिता काफ्ले विजयी भएका छन् ।
निर्वाचनमा एक हजार ५१७ मत खसे पनि विजयीहरूको मतविवरण सार्वजनिक गरिएको छैन ।
