एजेन्सी । चीनको उत्तरपश्चिम क्षेत्रलाई केन्द्र बनाएर गएराति शक्तिशाली भूकम्प गएकाे छ ।

चिनियाँ समाचार संस्था सिन्ह्वाका अनुसार उत्तर–पश्चिम प्रान्त कान्सु केन्द्र भइ स्थानीय समय अनुसार सोमबार राति ११:५९ बजे ६.२ रेक्टर स्केलको भूकम्प गएको थियो । भूकम्पबाट १११ जनाको मृत्यु भएको छ भने २०० भन्दा बढी घाइते भएका बताइएको छ ।

भूकम्पबाट कान्सु प्रान्तमा १०० जनाको मृत्यु भएको बताइएको छ । यस्तै, छिङहाइ प्रान्तमा ११ जनाको ज्यान गएको सिन्ह्वाले उल्लेख गरेको छ । भूकम्पबाट निजी तथा सार्वजनिक संरचनाहरुमा क्षति पुगेको छ । भूकम्पपछि पानी तथा बिजुलीको आपूर्ति ठप्प भएको छ ।