काठमाडौं । नेपाली बजारमा सुनको मूल्यले आज नयाँ रेकर्ड बनाएको छ । अघिल्लो दिन १ लाख २० हजार ७०० रुपैयाँमा कारोबार भएको छापावाल सुनको मूल्य आज १ हजार ३०० रुपैयाँ बढेसँगै नयाँ रेकर्ड कायम भएको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख २२ हजार रुपैयाँमा कारोबार भइरहेको छ । यस्तै तेजावी सुन तोलामा १ लाख २१ हजार ४०० रुपयाँमा कारोबार भइरहेको छ ।

आज चाँदीको मूल्य पनि बढेको छ । चाँदीको मूल्य आज तोलामा १५ रुपैयाँ वृद्धि भइ प्रतितोला १ हजार ४९० रुपैयाँमा कारोबार भइरहेको छ ।