एजेन्सी । हमासले गाजामा युद्धविराम गर्न इजिप्ट, कतार र संयुक्त राज्य अमेरिकाका मध्यस्थकर्ताहरूसँग सोमबार पनि वार्ता गरेको छ ।
इजिप्टका सुरक्षा स्रोतहरूले जनाएअनुसार कायरोमा युद्धविराम वार्ताको पहिलो दिन आइतबार ‘उल्लेखनीय प्रगति’ भएको थियो ।
सुरक्षा स्रोतले वार्तामा छलफल भइरहेको र प्रस्तावित युद्धविरामको पहिलो चरणमा ४० दिनसम्म लडाइँ रोक्ने र ४०० जना प्यालेस्टाइनी बन्दी बराबर वृद्ध र सर्वसाधारणसहित ४० जना इजरायली बन्धकहरूको आदानप्रदानको व्यवस्था मिलाउनेलगायत विषय समेटिएको बताएका छन् ।
प्रस्तावित उक्त सम्झौताले युद्ध प्रभावित क्षेत्रमा दैनिक ६० हजार वटा सार्न मिल्ने घर , १ लाख २० हजार टेन्ट बोकेको ५०० वटा ट्रकको प्रवेश सुनिश्चित गर्नेलगायत विषय समेटिएको बताइएको छ ।
