काठमाडौं । नेकपाको विवाद चुलिएसँगै नेपालका लागि चाइनीज राजदूतको सक्रियता बढेसँगै उनको आलोचना समेत भइरहेको छ । चीनले यसरी नेपालको आन्तरिक मामिलामा हस्तक्षेप गरेपछि मंगलबार काठमाडौंमा पहिलो पटक प्रर्दशन भएको छ । रिपब्लिकन युथ र अन्य युवा समूहले मंगलबार नेपालस्थित चाइनीज राजदूतावास अगाडि प्रर्दशन गरेको छ ।
गो ब्याक चाइना, नेपालको आन्तरिक मामिलामा हस्तक्षेप बन्द गर् लगायतका नारा सहितको प्ले कार्ड प्रर्दशन गरेर बिरोध जनाइएको छ । नेपालका लागि चाइनिज राजदूत होउ यान्छीको तस्बीरलाई क्रस गरेर हातमा बोकेर बिरोध जनाइएको थियो ।
आरएनसी पार्टीका प्रिसिडेन्ट सिद्धार्थ गौतमले बिरोध प्रर्दशनको औचित्य पुष्टि पार्दै भने, चाइनीज राजदूत र चाइनाको नेपालको आन्तरिक मामिलामा जुन ब्यापक हस्तक्षेप छ, त्यसको बिरोधमा प्रर्दशन गरिएको बताए ।
आजभोलिसँग कुरा गर्दै गौतमले भने, चाइनाले नेपालको प्रजातन्त्र तथा प्रजातान्त्रिक पार्टी र व्यक्तिको खिलापमा गरेको षडयन्त्रको बिरुद्ध र नेपाललाई चिनीया हस्तक्षेपयुक्त गतिवधिबाट मुक्त गर्नका लागि बिरोध प्रर्दशन गरिएको बताए ।
उनले भने, चाइनाको नेपालको आन्तरिक मामिलामा हस्तक्षेप बन्द होस भन्ने हाम्रो माग रहेको छ । गौतमले नेतृत्व गरेको पार्टीको मूल उद्देश्य नै नेपाल कम्युनिष्टमुक्त देश बनाउनु रहेको जनाइएको छ ।
