काठमाडौं। स्वास्थ्य तथा जनसङ्ख्या मन्त्रालयले दैनिक प्रेस ब्रिफिङमा दिएको जानकारी अनुसार नेपालमा सङ्क्रमित हुने कुल ४४ हजार २३६ पुगेको जनाइएको छ । २४ घण्टामा एक हजार ३५९ जना कोरोना सङ्क्रमित थपिएका छन् ।

सक्रिय सङ्क्रमितहरू १८ हजार ४०४ रहेका छन् । संस्थागत आइसोलेसनमा दश हजार ९४२ रहेका छन् । होम आइसोलेसनमा सात हजार ४६२ रहेका छन् ।

आज २४ घण्टामा एकहजार ३५४ जना कोरोना सङ्क्रमित निको भएर घर फर्केका छन् । योसँगै कुल निको हुने दर ५८ प्रतिशत छ । कुल डिस्चार्ज भएकाहरू २५ हजार ५६१ पुगेको छ ।

लकडाउन गरेको तीन हप्ता भए पनि उपत्यकामा संक्रमणको संख्या घटन सकेको छैन् । दिनदिनै संक्रमितको संख्या बढ्दै गइरहेको तथ्यांकले जनाएको छ ।