ललितपुर । नेपाल तरुण दलले स्वास्थ्यकर्मीलाई कोरोनाबाट बच्नको लागि स्वास्थ्य सामाग्री हस्तान्तरण गरेको छ । तरुण दलले पाटन स्वास्थ्य विज्ञान प्रतिष्ठान पाटन अस्पताल तथा वीर अस्पताललाई स्वास्थ्य सामाग्री उपलब्ध गरेको नेपाल तरुण दलका अध्यक्ष जीत जंग बस्नेतले जनाएका छन् । अग्रपंतीमा खटिएका स्वास्थ्यकर्मी अझ बढी जोखिममा रहेकाले कोरोनाबाट बच्नको लागि आफूहरुले अस्पताललाई स्वास्थ्य सामाग्री उपलब्ध गराएको बस्नेतले जानकारी दिए ।
नेपाल तरुण दलले १०७ औं १०७ औं बीपी जयन्तीको अवसर पारेर स्वास्थ्य सामाग्री वितरण गरेको जनाएको छ । अध्यक्ष बस्नेतका अनुसार पाटन अस्पतालमा १००० थान मास्क, २० थान पी.पी.ई सेट र २० थान फेस शिल्ड वितरण गरेको जनाए । त्यस्तै वीर अस्पताललाई १००० थान मास्क, २० थान पी.पी.ई सेट र २० थान फेस शिल्ड हस्तान्तरण गरेको जनाएको छ । दुबै अस्पतालका अन्तरगतका नेक, कान तथा घाटी विभागलाई सवास्थ्य सामाग्री उपलब्ध गराएको थियो ।
नेपाल तरुण दललाई स्वास्थ्य सामाग्री नेपाली काँग्रेस काठमाडौँ क्षेत्र नं ३ का महासमिति सदस्य हरिबोल भण्डारी र मेन्ज फाउन्डेसनका अध्यक्ष मेन्ज खान सहयोग गरेको तरुण दलले जनाएको छ ।
विगतदेखि नेपाल तरुण दलले कोरोना बिरुद्धको अभियान तथा विभिन्न कार्यक्रमहरु संचालन गर्दै आइरहेको छ । 
