रौतहट । हात हतियार सहित पक्राउ परेका व्यक्तिहरुलाई पुर्पक्षका लागी कारागार चलान गरेको छ । भारत मोतिहारी जिल्ला महुआही ग्राम वडा न ११ बस्ने सुरेन्द्र दुवेको छोरा वर्ष २७ को रंजनकुमार र सोही निवासी भोला साहको छोरा वर्ष २४ को जलान्धर साह रहेका छन ।
पक्राउ परेका मध्येबाट नल्कटुवा पेस्तोल १ गोली राउण्ड ५ , मेड इन युसए पेस्तोल १ गोली राउण्ड ३ तथा प्लेटिना मोटरसाइकल १ बरामद भएको प्रहरीले जनाएको छ । जिल्लाका मठिया ५ स्थित अवैध हात हतियार,गोली गट्ठा लिएर अपराधिक प्रवृतिका व्यक्तिहरु लुकिछिपि हिडिरहेको छन् भन्ने बिशेष सूचनाको आधारमा जिल्ला प्रहरी कार्यालय रौतहट र प्रहरी चौकी मठियाको संयुक्त टोली तत्कल त्यस तर्फ परिचालन गरिएको थियो ।
हतियार र गोलीगट्ठा सहित उक्त स्थानमा खटि गएका प्रहरी टोलीले पक्राउ गरी दाखिला गरेको र निजहरु उपर हात हतियार खर खजाना मुद्धामा म्याद थप गरि अनुसन्धान कार्य सम्पन्न गरी जिल्ला सरकारी वकिल कार्यालय रौतहट मार्फत श्री जिल्ला प्रशासन कार्यालय रौतहटमा पेश गरिएको जिप्रका रौतहटले जनाएको छ । चैत्र ८ गतेका दिन दिउँसो ३ वजे पक्राउ परेको बताइएको छ ।
