बोष्टन । नेपाली काँग्रेसका नेता तथा पूर्वमन्त्री नविन्द्रराज जोशीको तेह्रौ तिथिमा श्रद्दाजलीसभा आयोजना भएको छ । नेपाली काँग्रेस जनसम्पर्क समिति अमेरिकाले आयोजना गरेको सो कार्यक्रमका वक्ताहरूले जोशीप्रति श्रद्दाजली व्यक्त गर्दै उनको व्यक्तित्वको चर्चा गरेका थिए ।
दिवंगत जोशी मृदुभाषी र शालिन व्यक्ति भएको कार्यक्रमका प्रमुख अतिथि नेपाली काँग्रेसका प्रभावशालि नेता अर्जुननरसिंह केसीले बताए । उनको निधनले देशलाई अपुरणीय क्षति पुगेको नेता केसीले बताए ।
विचारप्रधान पार्टी बनाउन पछिल्लो समयमा दिवगंत जोशीले खेलेको भूमिकाको कार्यक्रममा केसीले सम्झना गरेका थिए ।
कार्यक्रमका विशिष्ट अतिथि तथा काँग्रेसका केन्द्रिय सदस्य मिनेन्द्र रिजालले जोशी क्रियाशिल र शालिन व्यक्ति भएको भन्दै उनीप्रति श्रद्दाजली व्यक्त गरे ।
कार्यक्रममा नेपाली काँग्रेसकी केन्द्रीय सदस्य किरण यादव डा चन्द्रमोहन यादव लगायतका व्यक्तिले जोशीप्रति श्रद्दाजली व्यक्त गरेका थिए ।
जनसम्पर्क समिति अमेरिकाका सभापति धनन्जय नरसिंह केसीको सभापतित्वमा कार्यक्रम भएको थियो ।
