बोष्टन । गैरआवासिय नेपाली संघ समन्वय परिषद् अमेरिका (एनआरएनए) को निर्वाचनको मिति नजिकै जाँदा अमेरिकाका नेपालीमा चुनावी गर्मी बढेको छ । सामाजिक संजालमा चुनाव प्रचार प्रसारमा सबै आआफ्नो ठाउँमा लागि परेका छन् ।
अमेरिका भर चुनावको चहलपहल भैरहदाँ म्यासाचुसेटमा पनि चुनावी गतिविघिले तिब्रता पाइरहेको छ ।
यहाँ केन्द्रीय निर्वाचन भन्दा स्थानीय निर्वाचनमा सबैको ध्यान तानेको छ ।
म्यासाचुसेट राज्यमा हरि काफ्ले र प्रेम तामाङले अध्यक्ष पदमा उम्मेद्वारी दिएका छन् । तर यहाँका गैरआवासीय नेपालीको ध्यान भने महिला संयोजक पदमा गएको छ ।
महिला संयोजक पदमा हरि काफ्नले मान्ती साहलाई उम्मेद्वार बनाएका छन् भने प्रेम तामाङले अन्जु भट्टराई थापालाई उम्मेद्वार बनाएका छन् ।
मान्तीको उम्मेद्वारी अन्जुको टाउँको दुखाईको विषय भएको छ । समाजमा लोकप्रियताका कारण मान्ती अन्जु माथि भारी पर्ने यहाँका नेपाली भाषी बताउँछन् । मान्तीको बौद्दिकता र लोकप्रियताका कारण मान्तीको उम्मेद्वारी अन्जुको लागि टाउँको दुखाईको विषय भएको छ ।
महिला हकहितको लागि नेपालमा रहदाँ विभिन्न संघसंस्थामा रहेर कुशल जिम्मेवारी सम्हालेकी मान्ती अन्जु भन्दा योग्य महिला संयोजक पदको उम्मेद्वार भएको यहाँका महिला बताउँछन् ।
मान्ती साह जस्तो बौद्दिक व्यक्तिको महिला संयोजकमा उम्मेदवारी पर्नुनै बोष्टनका महिलाको लागि गौरवको विषय भएको जेनिशा थापाले बताइन् ।
अन्जु भन्दा मान्ती सयौं गुणा योग्य भएका कारण आफू मान्तीलाई मतदान गर्ने महिला अधिकारको लागि काम गर्दै आएकी एक महिलाले नाम नबताउने सर्तमा बताइन् ।
