बोष्टन । गैरआवासीय नेपाली संघ समन्वय परिषद् अमेरिका (एनआरएनए) म्यासाचुसेट च्याप्टरको उपाध्यक्ष पदमा हजुरी सिंहको उम्मेद्वारी परेको छ ।
म्यासाचुसेटको समरभिल सिटिमा वसोबास गर्ने हजुरी सिंह बोष्टनमा मात्र नभएर सिंगो अमेरिकाभरीका नेपाली माझ चिरपरिचित नाम हो ।
दुई दशकभन्दा लामो समयदेखि बोष्टनलाई कर्मथलो बनाएकी हजुरी यहाँको विभिन्न सामाजिक संघसंस्था रहेर काम गर्दै आएकी छिन् ।
समाजमा स्वच्छ छवी बनाएकी हजुरीले लोकप्रियताका कारण नै अघिल्लोपटकको निर्वाचनमा लोकप्रिय मत पाएर विजयी भएकी थिइन् ।
हजुरी सिंह जस्तो व्यक्तिको उम्मेद्वारी एनआरएनमा पर्नु नै यहाँका नेपालीको लागि गौरबको विषय भएको मतदाताहरू बताउँछन् ।
हजुरी सिंह जस्तो समाजसेवी संघर्षशील महिलाको उम्मेद्ववारी यहाँका नेपालीको लागि मात्र नभएर सिंगों एनआरएनको लागि गौरवको विषय भएको उनीहरूको भनाई छ ।
स्वच्छ छवी र सामाजिक सेवाका कारण प्राप्त लोकप्रियता नै आफ्नो जित्ने आधार भएको हजुरीको दाबी छ ।
उनी नेपाली ओमनस् ग्लोबल नेटवर्क बोष्टनको बोर्ड अफ डाइरेक्टर रहेर नेपाली महिलाको अधिकारको लागि काम गर्दै आएकी छिन् । त्यसैगरी लाइन्स क्लबमा समेत उनी सदस्य रहेकी छिन् ।
तपाईंको उम्मेद्वारी किन ? भनि आजभोलिले सोधेको प्रश्नमा हजुरीले भनिन्, ‘नेपाली र गैरआवासीय नेपालीलाई जोड्ने एनआरएनको उद्देश्य प्राप्तिको लागि काम गर्नको लागि मेरो उम्मेद्वारी हो ।’ उनले अगाडि भनिन्, ‘जुन काम म अहिले बोर्ड अफ डाइरेक्टर पदमा रहेर गरिरहेको छु ।’
नेपालमा रहँदा देशभरीका शिक्षकहरूलाई नेतृत्व गरेको अनुभव आफूसँग रहेको र यहाँको संघसंस्थामा काम गरेको अनुभवका कारण आफू उपाध्यक्ष पदको लागि योग्य उम्मेद्वार भएको उनको दाबी छ ।
