काठमाडौं । बीमा समितिले निषेधाज्ञामा थन्किएर बसेका सर्वजानिक सवारी साधनहरूको बीमा शुल्कमा छुट दिन निर्जीवन बीमा कम्पनीहरुलाई सुझाव दिएको । समितिले सार्वजनिक यात्रु वाहक सवारी साधनको हकमा थन्किएको अवधि गणना गर्दा निषेधाज्ञा शुरु भएको मितिदेखि लिने नेपाल सरकारबाट लकडाउन हटाएको समयसम्म कायम गर्ने व्यवस्था मिलाउन सुझाव दिएको हो ।

सार्वजनिक सवारी साधनको कुल वार्षिक बीमा शुल्कको एक तिहाई रकम थन्किएको अवस्थाको जोखिमको लागि कट्टा गरी बाँकी दुई तिहाईमा समानुपातिक रकममा छुट दिने व्यवस्था मिलाउन समितिले निर्देशन दिएको छ । कुल बीमा शुल्कको हिसाब गर्दा तेस्रो पक्ष यात्रु, कर्मचारीको बीमा लगायत जोखिम समहुको समेत हिसाब गर्नुपर्नेछ ।

यस्तै सार्वजनिक सवारी साधन बीमाको नविकरण बीमा शुल्कमा समायोजन गर्ने र अन्यत्र बीमकसँग नविकरण हुने अवस्थामा बीमितको पहलमा बीमा कम्पनीले छुट रकमको प्रमाणपत्र दिन सुझाएको छ । तर चालु बीमा अवधीमा दाबी परिसकेको सवारी साधानको हकमा भने थन्किएको अवधीको लागि छुट लागू नहुने समितिद्वारा जारी विज्ञप्तिमार्फत् जनाएको छ ।