काठमाडौं । नेपाली कांग्रेसका सभापति शेरबहादुर देउवाले १४औं महाधिवेशनको तयारीबारे छलफल गर्दैछन् । बुधबार बिहान प्रधानमन्त्री निवास बालुवाटारमा आफू निकट पदाधिकारी र केन्द्रीय सदस्यहरूसँग देउवाले छलफल गरेका हुन् ।
महाधिवेशन सार्ने कि विशेष महाधिवेशन गर्ने भन्ने विषयमा देउवाले आज दिउँसो पदाधिकारी बैठक बोलाएका छन् । सो बैठकअघि उनी आफू निकट नेताहरुसँग छलफल गरेका हुन् । पार्टी नेतासँगको छलफल पनि देउवाले आफ्नै निजी निवास बूढानीलकण्ठमा गर्दैछन् ।
कोरोना महामारी र क्रियाशील सदस्यता वितरण टुंगो नलागेकाले कम्तीमा मंसिरसम्म महाधिवेशन सार्नेबारे कांग्रेसमा बहस चलिरहेको छ । उता वरिष्ठ नेता रामचन्द्र पौडेल पक्ष समयमा महाधिवेशन हुन नसके विशेष महाधिवेशन गरेर जानुपर्ने अडानमा छ ।
कांग्रेस केन्द्रीय समितिको बैठक भोलि बिहीबार बस्दैछ । बैठकअघि महाधिवेशनका विषयमा आजको पदाधिकारी बैठकमा ठोस निर्णय गरिने कांग्रेस नेताहरुले जानकारी दिएका छन् ।
