काठमाडौं । आज नेपाली कांग्रेसको केन्द्रीय कार्यसमिति बैठक बस्दै छ । पार्टी केन्द्रीय कार्यालय सानेपामा दिउँसो २ बजे बस्ने गरी बैठक बोलाइएको कांग्रेस मुख्य सचिव कृष्णप्रसाद पौडेलले जनाएका छन् । बैठकमा पार्टीको १४औँ महाधिवेशनको कार्यतालिका हेरफेर हुने भएकाले अब कसरी अगाडि बढ्ने भन्नेबारे छलफल हुने बताइएको छ ।
यसअघि प्रधानमन्त्री तथा सभापति शेरबहादुर देउवा निवास बूढानिलकण्ठमा हिजो बुधबार पदाधिकारी बैठक बसेको थियो । हिजो बुधवार बसेको पदाधिकारी बैठकले भदौ १६ देखि १९ सम्म महाधिवेशन गर्न सम्भव नभएको कुरा स्पष्ट पारिएको छ ।
त्यसकारण जसरी पनि महाधिवेशनको मिति सार्नवाध्य भएको निष्कर्ष निकालिएको छ । यसरी मिति पर त सार्ने तर कहिलेसम्म र कसरी सार्ने भन्ने विषयमा छलफल भइरहको छ ।
त्यसको लागि वरिष्ठ नेता रामचन्द्र पौडेल र सभापति शेरबहादुर देउवाबीच सहमति अझै हुन सकेको छैन । दुई शीर्ष नेताबीच सहमति भएपछि दिउसो पार्टीको केन्द्रीय कमिटिबाट महाधिवेशनको मिति टुंगो लाग्ने छ ।
