काठमाडौं । ब्याज आम्दानी घटेपनि हिमालयन बैंकले ३ अर्ब रुपैयाँ नाफा आर्जन गरेको छ । ब्याज आम्दानी घटेपनि अन्य आम्दानी बढ्दा हिमालयन बैंकले १५ प्रतिशतले नाफा बढाएर गत आर्थिक वर्षमा २ अर्ब ९९ करोड रुपैयाँ नाफा गरेको छ।
अघिल्लो वर्ष हिमालयन बैंकको नाफा २ अर्ब ५८ करोड थियो । हिमालयन बैंकको ब्याज आम्दानी भने घटेको छ । अघिल्लो वर्ष ४ अर्ब ८२ करोड रहेको हिमालयन बैंकको ब्याज आम्दानी गतवर्ष ३ अर्ब ७८ करोड रुपैयाँ रहेको छ ।
बैंकले अन्य संचालन आम्दानी बढाएको कारण नाफा बढाएको हो । १० अर्ब ६८ करोड चुक्ता पूँजी रहेको हिमालयन बैंकले सेयरधनीलाई बाड्न मिल्ने नाफा २ अर्ब १६ करोड गरेको छ ।
हिमालयन बैंकले नेपाल इन्भेष्टमेन्ट बैंकसँग मर्जरमा जाने सम्झौता गरेको छ । असार मसान्तसम्ममा हिमालयन बैंकमा १ खर्ब ४१ अर्ब रुपैयाँ निक्षेप रहेको छ भने कर्जा १ खर्ब २६ अर्ब रुपैयाँ रहेको छ ।
