काठमाडौँ । नेपाली कांग्रेसको क्रियाशील सदस्यता विवाद टुंगिएको छ। कांग्रेस नेतृत्व क्रियाशील सदस्यता विवादलाई लिएर लामो समयदेखि १४ औं महाधिवेशनप्रति अनिर्णयको बन्दी बनेको थियो ।
क्रियाशील सदस्यता विवाद सुल्झाउँद सोमबार राति कांग्रेसका पूर्व महामन्त्री कृष्णप्रसाद सिटौला, केन्द्रीय सदस्यहरु डा मिनेन्द्र रिजाल र रमेश लेखकले सदस्यता तिवेदन बुझाएका छन् ।
उनीहरुले बुढानीलकण्ठस्थित देउवा निवासमा सभापति शेरबहादुर देउवा र वरिष्ठ नेता रामचन्द्र पौडेललाई सो प्रतिवेदन बुझाएका हुन् । कांग्रेसले भदौ १८ देखि वडा अधिवेशनको मिति यसअघि नै तय गरिसकेको छ ।
क्रियाशील सदस्यता विवाद टुंगिएपछि अब अधिवेशनको बाटो खुल्ला भएको छ । कांग्रेसले आगामी मंसिर ९ देखि १३ गतेसम्म १४ औं महाधिवेशन गर्ने गरी कार्यतालिका पनि सार्वजनिक गरेको छ।
