काठमाडौं । मेगा बैंक नेपाल लिमिटेड र कान्तिपुर अस्पतालबीच उपचारमा विशेषका सम्बन्धमा सहमति भएको छ । मेगा बैंकका ग्राहकहरुलाई काठमाडौंको तीनस्थित कान्तिपुर अस्पतालले उपचारमा विशेष छुट दिने सहमति भएको हो।
बैंकका ग्राहकहरुलाई अस्पतालले स्वास्थ्य उपचारमा विशेष छुट र प्राथमिकता दिने सम्झौता भएको छ। सम्झौता अनुसार मेगा बैंकका डेबिट तथा क्रेडिट कार्ड प्रयोगकर्ता ग्राहकहरुले कान्तिपुर अस्पतालमा जनरल बेड, क्याबिन र ल्याबमा १५ प्रतिशतसम्म छुट पाउनेछन्।
साथै अस्पतालले एम्बुलेन्स सेवा निःशुल्क उपलब्ध गराउने छ। आइसियू, एचसीयू, भेन्टिलेटर र औषधी खरिद गर्दा भने १० प्रतिशतसम्म छुट दिने अस्पतालले जनाएको छ। त्यसैगरी, मेगा बैंकका डेबिट तथा क्रेडिट कार्ड प्रयोगकर्तालाई शल्यक्रिया गर्नुपरेमा विशेष छुट दिने सहमति भएको छ ।
त्यस्तै कोभिडको पीसीआर परिक्षणमा २० प्रतिशतसम्म छुट दिने पनि सम्झौता भएको छ । मेगा बैंकले आप्mना ग्राहकहरुको सुविधालाई ध्यानमा राखेर यस अघिनै काठमाडौँ उपत्यका लगायत देशका विभिन्न अस्पतालहरुसँगको सहकार्यमा छुटको व्यवस्था गर्दै आएको छ ।
