काठमाडौ । आगामी मंसिर २१ गते हुने प्रतिनिधिसभाको १ सय ५८ सिटमा निर्वाचनका लागि आज बिहीबार ५ सय २२ जनाको उम्मेदवारी परेको छ । त्यसैगरी प्रदेशसभा सदस्यको २ सय ५६ सिटका लागि लागि ८ सय ८३ जनाको उम्मेदवारी परेको छ ।
आज भएको उम्मेदवारी मनोनयमा ६ जना पूर्व प्रधानमन्त्रीहरूले उम्मेदवारी दिएका छन् । यसरी उम्मेदवारी दिनेमा शेरबहादुर देउवा डडेलधुरा पुष्पकमल दाहाल चितवन ३ माधवकुमार नेपाल काठमाडौं २ खड्कप्रसाद ओली झापा ५ डा बाबुराम भट्टराई गोरखा २ र झलनाथ खनाल इलाम १ रहेका छन् ।
आज मनोनयन उल्लासमय र शान्तिपूर्णरूपमा सम्पन्न भएको निर्वाचन आयोगले जनाएको छ ।
