काठमाडौं । मनाङबाट प्रदेश सांसदमा निर्वाचित दीपक मनाङ्गेलाई सर्वोच्च अदालतले ५ वर्ष जेल सजाय तोकेको छ । स २०६९ सालमा तत्कालीन पुनरावेदन अदालत पाटनले २०६१ सालमा चक्रे मिलन लगायतमाथि भएको सांघातिक आक्रमणमा मनाङेलाई ५ वर्ष कैद सजाय हुने ठहर गरेकोमा सर्वोच्चले आज सो फैसलालाई सदर गरेको हो ।
उनी चार नम्बर प्रदेश अन्तरगत मनाङको निर्वाचन क्षेत्र ख बाट निर्वाचित भएका थिए । उनलाएै नेकपा एमालले समर्थन गरेको थियो ।
न्यायाधीशद्वय दिपकराज जोशी र पुरुशोत्तम भण्डारीको संयुक्त इजलाशले मंगलबार मनाङ्गेलाई ज्यान मार्ने उद्योग सम्बन्धी मुद्दामा ५ वर्ष जेल सजायको फैसला गरेको हो ।
सर्वोच्चको फैसलासँगै मनाङ्गेको सांसद पद स्वतः निलम्बनमा परेको छ । गत मंसिर १० सम्पन्न निर्वाचनमा स्वतन्त्र उम्मेदवारी दिएर मनाङ्गे प्रदेश सभामा विजयी भएका थिए ।
