काठमाडौं । नेपालका प्रथम राष्ट्रपति डा.रामवरण यादव गंगामाया अधिकारीको स्वास्थ्य अवस्था बुझ्न वीर अस्पताल पुगेका थिए । उनले आइसीयूमा अनशन बसी रहेकी गंगामायको स्वास्थ्यको बारेमा जानकारी लिएका थिए । गंगामायाको अवस्था देखेपछि उनी निकै भावुक भएका थिए ।
उनले गंगामायाको स्वास्थ्य आवस्था तथा उनका मागप्रति गम्भिर चासो देखाएका थिए । आजै, नेपाली कांग्रेसका नेता डा. रामशरण महत, गोपालमान श्रेष्ठ, चन्द्र भण्डारी तथा एनपी साउँद लगाएतका नेताहरु वीर अस्पताल पुगको उनको मागप्रति ऐक्यबद्धाता जनाउँदै स्वास्थ्य अवस्था बुझेका थिए । यस्तै नेपाली कांग्रेसका वरिष्ठ नेता रामचन्द्र पौडेल, नेता शेखर कोइराला लगायत पनि वीर अस्पताल पुगेर ऐक्वयबद्धता जनाइसकेका छन् ।
नेपाली कांग्रेसले गंगामायको अवस्था बुझ्नको लागि एक संसदीय समति गठन गरेको छ । जसमा प्रतिनिधिसभाका सांसद पार्वता डिसी चौधरी, अमरेशकुमार सिंह र वेद तिमल्सिनालाई खटाएको छ । ।
तेह्र वर्षअघि छोरा कृष्णप्रसाद अधिकारीको हत्यामा संलग्नलाई कारबाहीको माग गर्दै उहाँ एक महिनादेखि वीर अस्पतालमा आमरण अनशनमा हुनुहुन्छ । सत्याग्रही अधिकारीको स्वास्थ्यस्थिति गम्भीर बन्दै गएकाप्रति काँग्रेसले सरकारको ध्यानाकर्षण गराएको छ ।
कांग्रेसले सांसदमा पनि गंगामायाको बारेमा प्रत्यक दिन आवज उठाउँदै आइरहेको छ । तर नेकपा भने यसको बारेमा अनभिज्ञता प्रकट गरिरहेको छ ।
