काठमाडौं । नेकपाका नेता भीम रावलले बुधबार सांसदमा बोल्दै भारतमा हुने विमष्टेक राष्ट्रहरुको संयुक्त सैन्य अभ्यासप्रति रोस प्रकट गरे । उनले प्रधानमन्त्री केपी शर्मा ओलीलाई प्रश्न गरे, के कारणले सैन्य अभ्यास गर्न लागिएको हो ? उनले भने कुनै पनि स्वतन्त्र देशले त्यही अनुसारको व्यवहार गर्नुपर्छ । हामी कसैका गुलाम हैनौ । यसकारण सैन्य अभ्यासको औचित्य छैन् ।

उनले भने, भरतीय प्रधानमन्त्रीले प्रधानसेनापति सहितको सैनिक अभ्यास गर्ने भन्ने विमष्टेक सम्मेलनमा भनेको कुरा हामीले सुन्यौ । र, प्रधानसेनापतिको विशेष बैठक र पछि सैन्य अभ्यास गर्ने कुरा आएको छ ।जुन भारतीय परराष्ट्रमन्त्रालयको बेइवपेजमा उल्लेख गरिएको बताए । यस्तो सैन्य अभ्यास गरे भने दिर्घकालिन समस्या आउँछ ।

सांसदको विशेष समयमा बोल्दै उनले भने, नेपालले यस्तो क्षेत्रीय सहयोगमार्फत् सैनिक अभ्यासमा प्रवेश गरे दीर्घकालीन रूपमा राजनीतिक, रणनीतिक र कुटनीतिक क्षति हुन्छ । हामीले नेपालको भूराजनीति, विशाल छिमेकी र बदलिँदो अन्तर्राष्ट्रिय अभ्यास ख्याल गर्नुपर्छ।

रावलले यसले छिमेकी देशहरुसँगको सम्बन्धमा समस्या आउने र नेपाललाई फायदा नहुने कुार गरे । उनले सरकारको यस कदमको खुलेर आलोचना समेत गरे । आफ्रनै पार्टी प्रधानमन्त्री ओलीको कार्यशैलीको बिरोध समेत गरेका छन् ।